KALENJIN 71 - 95

1.  Akwong'e amu Yetindet Ne Kiptaiyandennyu; Kicham Ine komecha keny - Ane ne ma a kiy.      Ki-ikwenya lapkeiyet eng' Kimurtoiyondet,      AK kobut milet eng' muguleldo;      Kiataach  Jesu koek Yetindennyu      Asi abaiba-it kotugul. 2.  Kitigen eng' Kimurtoiyot Ko'stawa tengekto. Mami chamnyet ak mieindo Ne u ne bo Jesu. 3.  Ye kingome Jesu Kristo Ko-imenit emet, Amu kima cham Jehovah Tuu-indab tengekto. 4.  Mamuchi ane ayaakta Besendab tengekto; Yaaktawa Jesu Inegei - Agochige  kityo.

1.   Kime Yetindennyo Jesu Kosoruech eng' chalwok. Kibar Inendet  bik Che yaach Eng' Kimurtoiyondet. Ma'gatos bik ng'wanindanyi Ne kiganyor Ine; Kiyani kityo me-ennyi Ne kiwalenech ge. 2.  Kitumda  Jesu  korotik Asi kotililech. Kinyoiywech kaat chalwogikyok Eng' chamnyennyi ne o. Ki'goitogei Jesu Kristo Koyaakta besendo- Ma'muchi age  koisto Tengektanyo tugul. 3.   Inendet  kityo ne  ki'much Koyatwech kipsengwet. Kichamdagei konyaliljech Komong'jech kipsengwet. Kongoi, Kiptaiyandet  Jesu, Eng` chamnyeng'ung' ne o. Konech  kechamin  Inyege Ak keotin komie

1.  kime Weritab Jehovah, Jesu Kristo, Yetindennyo. Kigoitogei eng` chamnyennyi - Kime agobo bik tugul.      Kime Jesu, kimechi bik!      Kime agobo bik tugul. 2.  Kimong' eng` korennyi barak Konyo ng'ony Sorunindennyo; Kimach iman kotoretech - Kime agobo bik tugul. 3.  Kiek  chito  Jesu  Kristo, Kiek kibananat eng' ng'ony; Kiwech bik  Jesu si kobar Kime agobo bik tugul. 4.  Kigoninge, Jesu, nguno, Iegu  Laitoriandenyo. Kilosun mising', Kiptaiyat , Ne ki-imechi bik tugul.

1.  Kiame eng' ketit; kiba korotikyuk. Kiawalenenge, atach sobondang'ung'. Kiamechin inye; iyaywa nee, inye? 2.  Kianyalil mising', mena-e kit ne u. Ee, kiagas king'wan, asorun eng' me-et. Kigiusa mising'; tos imuite, inye? 3.  Kiabagach gonnyu - oldab bo-unatet - Asorun eng' me-et ak eng' mesundeito. Kiabagach tugul; ibagach nee, inye? 4.  Ki-a-ibun eng' ga chamnyet ak rirenet, Nyo-etab Kaat ne o, ne bunu Kwandanyu. Ki-a-ibun tugul; tos nee ne igona? 5.  Kagoninge, Jesu; bo-u sobondanyu. Asi aboisieun betusiekyuk tugul. Ki-i-alenage; kagoninge nguno.

1.  Kiame eng' ketit; kiba korotikyuk. Kiawalenenge, atach sobondang'ung'. Kiamechin inye; iyaywa nee, inye? 2.  Kianyalil mising', mena-e kit ne u. Ee, kiagas king'wan ne o, asorun eng' me-et. Kigiusa mising' inne; tos imuite, inye? 3.  Kiabagach gonnyu  ne mie- oldab bo-unatet - Asorun eng' me-et ne ng'wan ak eng' mesundeito. Kiabagach tugul eng gaa; ibagach nee, inye? 4.  Ki-a-ibun eng' ga olin,  chamnyet ak rirenet, Nyo-etab Kaat ne o inne, ne bunu Kwandanyu. Ki-a-ibun choto tugul; tos nee ne igona? 5.  Kagoninge, Jesu, nguno; bo-u sobondanyu. Asi aboisieunkomie, betusiekyuk tugul. Ki-i-alenage Jesu; kagoninge nguno.

1.  Jesu, toreta abwat Kimurtoiyondeng'ung' Ye kibunu korotik Che kisorunena.      Yetindet, Kiptaiyat,      Kiimecha, Inye,      AK amang`u me-eng'ung'      Kot kobek sobennyu . 2.  Ye abwatin, Yetindet, Arikyin eng' saet. Amang'un, Inye, kityo, Arutab Jehovah. 3.  Asa'-e, aripse-i Ko u ye kimwawech, Amu ma iboruech chi Betut ne kimutech.

1.  Mi kotugul nyoetab kaat Amu kime Jesu. Kitumdagei korotikyik Eng' Kimurtoiyondet. Mi kotugul nyoetab kaat Amu kicham Jesu kome. Alosu kot ak abaibai Amu ki'stawa tengekto. 2.  Kiabagach chalwogikyuk Ak awe lapkeiyet. Ki'tilila Yetindennyu Ak kogona kalyet. 3.   Kigi-itya imandanyi Amu korotikyik. Kwong'et ne o mieindanyi Ne kona yetunet.

1.  Kingeet Kiptaiyat Kristo Haleluiya Len bik ak Malaikaisiek Haleluiya Oboiboitu mising Haleluiya Otien kipsengwet ak ngwony Haleluiya 2.   Kinyalil Inendet  mising' Haleluiya Si kosorunenech me-et; Haleluiya Ama nam me-et Jesu; Haleluiya Kigonech  Jesu katiaget; Haleluiya 3.  Sobei ra Laiorandennyo! Haleluiya Ma komi kimnatet me-et. Haleluiya Me-enyin ne kisoruech Haleluiya Kiyatwech Ine kipsengwet; Haleluiya 4.  Tun kibendi Ole kiwa Haleluiya Kisubi Kando-indennyo; Haleluiya King'eetech Ko u Ine, Haleluiya Kitebye ak Ine koigeny! Haleluiya

1.   Kigong'eet Jesu eng' Che kibek! Kigoterter Inendet me-et! Ongetien nguno eng` boiboiyet! Haleluya! 2 .   Kilen bik  kagiterter  Jesu Amu kime eng' Kimurtoiyot; Ago king'eet Yetindet kogeny! Haleluya! 3.  Kigoterter  Jesu o-indet; Kigo-isto ng'wanindab me-et. Obwa kilosu Kiptaiyandet! Ha!eluya! 4.  Kilsikwech  Jesu katiaknatet Amu ma nam Inendet me-et. Sobei nguno  Laitoriandennyo! Haleluya!

1.  Kime ak kigitub Yetindet  Jesu! Ki betutab somok Ye king'eetei.      AK  kigong'eet! Kigong'eet!      Kigomong` eng' bik che KigobeK!      Kigong 'eet ko  kim Weritab  Jehovah ,      Kigong'eet kwo kogeny barak kipsengwet!      Kigong'eet! Kigong'eet!      Haleluya! Kigong'eet! 2.  Kiwech bik che yaachen Yetindet Jesu! Kigibar eng' ketit Kiptaiyandet! 3.  Ki kim kosiir bunyot Yetindet Jesu! Kigoterter me-et Kiptaiyandet! 4.  Kikwongio bik amu Yetindet Jesu! Kigomong' eng' me-et Kiptaiyandet!

1.  Aote Jesu Kristo  Ne ki'ng'eet Jehovah; AK angen ale sobei  amu mi orinnyu; Ageere bo-isiennyi,  agase kutinnyi; AK ye atinye nyalil  kogoigo-a.      Iman, iman, sobei Jesu Kora!      Indoiywech eng' bet ak kemoi -      Kisubi i-nendet.      Iman, iman, kigonech yetunet;      Ee , kingen Kele sobei ra ,      Amu mi orinnyo. 2.  Abaibai amu riba  eng' bandanyu tugul; Ye betwa kimnatennyu  kotoreta Jesu. Imutata Inendet  eng' betutab nyalil. Tatun koweeksei kogeny ,  ne mabeitos. 3.  Otienji Jesu  Kristo,  okwek che  bo Iman; Omwachi, "Haleluya!" -  Inendet  Yetindet. Ye 'mang'u  bik Che Cheng'ei  kosichei toretet; Mami ne tinyei rirge  kosiir  Ine.

1.  Ogas, okwek, logoiywechu, Okwek, bik tugul che mi ng'ony; Nyonei Jesu bandab aeng', Nyonei komutech kebe ga.      Kiptaiyat naman eu nyun,       kiptaiyat sigeben tuwai,       kiptaiyat naman eun nyun,       kiptaiyat nyon siberuro 2.  Manyonei ko u atkinye Eng' rirenennyi ne bo ge; Ago tun nyonei koborjin Laitornatennyi ng'onyuni. 3.   Tugul che ma'yani Jesu Konyoru betutab nerek, Amu kiruokyin cho tugul Ak kibeelei ko u suswek. 4.  Amite ana anendet Eng' betunoto bo nerek? Tos, a chobot eng' betuno Ye tun kiguutei irtaget? 5.  Kristo, amache awendot Eng' kayanet ne nyiitat kot; Ribota ak igimita Agoi iweige ng'onyuni.

1.  Ma ko tia kenyisiek Si konyo Kiptaiyat, Komutech kebe kipsengwet, Achek che  Ki chechik.      Choba Yetindennyu,      i-unde chalwogik      Asi atililit inne,      Eng ' muguleldanyu. 2.  Ma ko tia betusiek Si kebe kipsengwet Mami nyalil ak beekab Kong' Olindo kibendi. 3.   Ma ko tia kamuung'et Ne ta ketindoi, Maigesugeu kamuungennyo, Tun kemi ak Jesu. 4.  Ma ko tia betusiek Si koweigei Jesu Ne kime agobo achek, Si kegeer Inendet.

1.  Imuchi konyo Jesu eng' lilind`anyi Ye ta  ko-imen eng' mesundeitab Karon, Anan ye ka-eech ak kotoi koluu emet, Kotaach Inendet bikyik.       Ee Kiptaiyandet, tianitu?      iI ketien kilosu,      "Weeksei Jesu! Haleluya!      Haleluya, iman! Haleluya, iman! 2.  Imuchi Jesu konyo Karon anan bet; Imuchi konyo koskoleny anan kemoi; Nyonei Yetindet komutech eng' lilindo, Ye taachei Ine bikyik. 3.  Boiboiyet ne o ngimutech kesoptosi, Si kebagakte yomsosiekab ng'onyuni. Ngo kanabech Yetindennyo eng' eunnyi Ko ki boiboen mising'

1.  Ta konyonei Jesu kogeny Ko u ye kigomwawech. Mi bik ng'isiat che igeni Nyonunet ne bo aeng' Haleluya! Nyonei Jesu Kogeny! Haleluya! Nyonei Jesu Kogeny! 2.  Kinyaliljech Yetindennyo Si kosoruech eng' me-et. Togunotin ng'otobosiek Che kinyor amu achek. Kisoobech eng' ng'otobosiekab Jesu; Kisoobech eng' ng'otobosiekab Jesu. 3.  Rigunat nguno kamutet Ne kimutech kebe ga. Ye kituiye ak Kiptaiyat Ne torochech eng' bolik- Kotorochech Jesu Kiptaiyandennyo; Kotorochech Jesu Kiptaiyandennyo 4.   Tun kigeere tugul Jesu Ye tun nyo kolaitoran; Ak bororiet ne kitoorei Ko tun keerei agichek. Kutung'dos tun bik tuguleng' Kainennyi; Kutung'dos tun bik tuguleng' Kainennyi.

1.  Kichama  Jesu kot  konyo ng'ony ; Ki'ming'ingei kogerge -it  ak  bik ; Kibagach tugul asi komecha . Nyonei Inendet  kogeny !       Nyonei Jesu! Ta  koweeksei kogeny!      Nyonei Inendet  kogeny!      Mwaite ng'alechu eng' oldo tugul~      Nyonei Kiptaiyat  kogeny '. 2.  Kibwa malaika eng` kipsengwet Ye kingesich  Jesu eng` Betlehem. Weeksei kogeny ak  Jesu eng` bolik Ye tun kaweek  Inendet. 3.  Imutu bikyok Che kigondo, Che kigirirji ye kingobendi; Tun ketatosi tugul eng' bolik Ye nyo Kiptaiyat kogeny '. 4.  Kimwachini bik Che lusyotin Logolywek che miach Che bo sobondo. Ongibaraste kogas bik  tugul: Nyonei Kiptaiyat  kogeny!

1.  Kinyo Jesu oldo kinye Komong' eng' kipsengwet. Kigonyo asi kosoruech Eng' chalwogikyok.       Kiboibo-itu wising'      ko kaweek Kiptaiyiat ;      AK  kilosu Inendet      Eng' toogunennyi. 2.  Ta konyonei Jesu kogeny Komut bikyik tugul. Ongechopge kigenisie Kot koweek Ine. 3.  Ye  tun ka-it Jesu  Kristo Koruokyin  ng'onyuni, SI kolaitoran Inendet Koboto bikyik. 4.  Ongechopge  ak keripse Asi magiche-ech. Ongetepte  tililindo Kigeni Jesu.

1.  Ye kingwa Jesu kipsengwet Konyo Tamirmiriet Komeny mugulelwekab bik Che 'yanotin. 2.  Inendet Konetindennyo Ne ng'ang'wech Sirutik. Igoigo ech eng' nyalilda Amu chamech. 3.  Boisienyi kogeny kokwenyech Kosiachi mugulel, Asi kilitit orennyo Eng' sigunet. 4.  Konech Ine katerteret Eng' boriet ne mi ng'ony. 'Boruech Inendet mestonok Che mi oret.

1.  Nyo, Tamirmirict  ne  bo  Jehovah, Rong'wa chamyengung kot kong'irtagei Kona ameto tuguk  che  bo ng'ony , AK  acham in  kosiir tuguk tugul 2.  Kona ayan kayomisutiguk; Ng'ang'wa ung'otik eng` Ng'olyondengung Meng' agirinda boisieng'ung' eng` ng'ony Kona acham agas it kuting'ung'. 3.  Kona amuita eng yomsosiekyuk; 'Terterwa Kimnatetab o-indet. Amache imuktawa ates tai AK indoiywa` eng' oret kotugul.

1.   Baraste Logoiywek eng' ng'onyut komugul, Koyom emet tugul ole meng'oti bik. Mi Kagaiga-indet, Ine Tamirmiriet Ne Toretindennyo Mi Kagaiga-indet! Mi Kagaiga-indet! Igui'yewech ng'alek; saiywech ak konetech. Baraste ng'alechu eng' ng'onyut komugul; Mi Kagaiga-indet! 2.  Bo-unindet ne o! Kosobindet iman! Itiachi chi tugul ne ratat eng' tengek. Kitieni kilosu eng' tiendo ne rurei: Mi Kagaiga-indet! 3. 0 c'hamnyetab Jesu ne nyoIjin bik kogas. Achame awendot amwaita yetunet. Ki-a chitab luset;.-a sorunot nguno Amu Yetindennyu. 4  otien eng kimnatet, omwaite sorunet; Olosu Kwandanyo ne konech yetunet. Omwachi bik tugul eng' boiboiyet ne 0: Mi Kagaiga-indet!

I.  Nam  Kainetab  Jesu  Kristo, Inye, lakwetab nyalil. Si ibaiba-itu mising` Ye Ibwati Kainennyl. Toror  kot  Kainennyi; Konech boiboiyet  ne o. Toror  kot  Kainennyi. Ongegonyit  Inendet. 2.    Nam  Kainetab  Jesu  Kristo Si koek long`et  ne Kim. Ye inyoru  ka-iimutik Kuur Kainennyi eng` saet. 3.    Nam Kainetab Jesu  Kristo Kobaibai sobondang`ung` Mwechi Jesu irimennyo, Si igakte Inendet. 4. Kilosu  Kainetab  Jesu; Ongibutyi kelyekyik. Egu tun Laitoriandennyo Tun kogesgei  bandanyo.

  1.  Mwawa ng`alek Che bo Jesu, Sir eng' muguleld'anyu. Mwawa agobo Inendet - Ng'alek Che miachen kosiir. Mwa ne kitien malaikaisiek Ye kingesichei Jesu. Kile, Ogonyit Jehovah Amu toror Inendet.      Mwawa ng'alek Che bo Jesu,      Sir eng' muguleldanyu.      Mwawa agobo Inendet      Ng'alek Che miachen kosiir. 2.  Ki'mut Tamirmiriet  Jesu Kwo ong'atet Inegei. Konyo o-indet  koyomso, Ama iterter Jesu. Mwawa kwong'utik Che kiyai Ye kingomi ng`onyuni. Mwa agobo amda-ennyi Ak logoiywekyik Che miach. 3.  Mwawa nyalilda ne kinyor Ye kingous bik  Jesu. Mwawa agobo meennyi Ye kingogas ng'wanindo. Kiginde Jesu kererit Ago ki'ng'eet Kwandanyi; Ko tun kwo barak kipsengwet AK ta konyonei kogeny.

1.   Ichechu ng'alekab Jesu Che kimwa-ei eng' tulwet, Che kimwachin kasubikyik - Ng'alek che bo boiboiyet. 2.  Boibo-en ichek Che bonon Nguno eng' tamirmiriet, Amu nenywanet bororiet  - Bororietab kipsengwet. 3.  Boiboi Che arogendos kot Amu tatun kigaigoi. Baibai agine ne tala Amu ta kobo-u ng'ony. 4.  Boibo-en che amei rubet Agobo imandanyi, Amu tun igochin  Jesu Kobiyong'so eng' barak. 5.  Boibo-en che tinyei rirge Amu nyoru rirenet. Baibai agine ne tilil Amu keerei  Jehovah.

  I.  Jehovah Mestowot ne Mie Mararua kiy tugul. Kona aru ye mi suswek Che miach, che nyalilen. 2.  Imutyina bekekab kalyet; Isobi sobondo. I-ndoiywa abun ortinwek Che bo imandanyi. 3.  Ngabune umetab me-et Ko ma’ywei yaityo igoigo-a mestowandet Kotinyei si'arinnyi. 4.  Itoi meset eng' ta-innyu Ole mi bunikyuk. Iila Ine eng' mwaitanyi Kot konyi boiboiyet. 5.  Isubotan mie-indanyi Ak chamnyennyi ne o. Atebe gotab Jehovah Eng' koigeny ak koi'geny.

1.  Kisain nguno Jesu Iribech eng chamyengung amu mi ngwony yomsosiek Che nyalili bik tugul Tebi kobotech nguno Ak imutatech agoi Konech kenai orengung' ne Kiite Kipsengwet 2.  Magitinye kimnatet Yomech mising oindet Namech Jesu Yetindet Si matwaech bunyondet kasech Jesu kotugul Ye kisae eng kainenyi Ribech betusiek tugul kota kemi ng'onyuni 3.  Kikomechech Yetindet Koyaaktawech besendo Nyoiwech kaat chalwogikyok ak kogonech sobondo Kigeni yetindenyon Kot koweigei eng boldet Yetun ng'eetyo che kibek Kebe tugul kipsengwet